blog-post

විදෙස් කාන්තාවක් ගණිකා වෘත්තියේ යෙදවු පුද්ගලයෙක් අත්අඩංගුවට

උස්බෙකිස්ථානු කාන්තාවක් මෙරටට ගෙන්වා පසුව ගණිකා වෘත්තියේ යෙද වු පුද්ගලයෙක් ව අපරාධ පරීක්ෂණ දෙපාර්තමේන්තුව මඟින් අත්අඩංගුවට ගෙන තිබේ. පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසා සිටියේ, වැල්ලවත්ත ප්‍රදේශයේ පදිංචි 31 හැවිරිදි පුද්ගලයෙක් එලෙස අත්අඩංගුවට පත්වු බවය.

සංක්‍රමණිකයින් සඳහා වන ජාත්‍යන්තර සංවිධානය විසින් අපරාධ පරීක්ෂණ දෙපාර්තමේන්තු ව වෙත මාස දෙකකට පෙර සිදුකළ පැමිණිල්ලක් මත විමර්ශන සිදුකර තිබේ. එහිදී අනාවරණය වී ඇත්තේ රැකියාවක් ලබාදෙන බවසා මෙරටට ගෙන්වා ඇති එම විදෙස් කාන්තාව පසුව ගණිකා වෘත්තියේ යොදවා ඇති බවය.

එම උස්බෙකිස්ථානු කාන්තාව 36 හැවිරිදි අයෙක් බවත්, අත්අඩංගුවට පත්වු පුද්ගලයාගේ බිරිඳ ද උස්බෙකිස්ථානු කාන්තාවක් වන බවට අනාවරණය වී තිබේ. ඇය ද මෙවැනිම වරදක් සිදුකර මේ වන විට මෙරට බන්ධනාගාර ගත කර ඇති බව ද මාධ්‍ය ප්‍රකාශකවරයා වැඩිදුරටත් සඳහන් කළේය.

උපුටාගැනීම - 2021.07.21 Ada Derana

volunteer

ශ්‍රී ලාංකීය කාන්තා හා ළමා පරපුර සයිබර් අපරාධවල ගොදුරු බවට පත්වීම වලකන පසුබිමක් නිර්මාණය සඳහා වගකිව යුත්තන්ට බලකරන පෙත්සම

පෙත්සම අත්සන් කරන්න